Цаагуур чинь юу болоод байна?
China vs Japan
Саяхан Японы шинэ ерөнхий сайд болсон Санаэ Такаичи нь энэхүү албан тушаалыг хүлээж авахдаа Японы ДНБ өсөлтийн ерөнхий төлөвлөгөөг double-дах зорилготой гарч ирсэн нь анхнаасаа энэхүү ажлыг ямар өндөр амбицтай эхлүүлснийг харуулж байна.
Ийнхүү Өмнөд Африкт болсон G-20 уулзалт дээр тэрээр анх орж ирэхдээ л бүтэн 1 цаг хоцорч, хоцорсон шалтгаанаа ямар хувцас өмсөхөөө сонгосон хэмээн тайлбарлаж Япон улсыг илүү бардам, илүү ширүүн байдлаар дүр төрхийг нь илэрхийлэхийг зорьсон хэмээн ОУХ судлаачид таамаглаж байгаа.
Ерөнхийдөө зөвхөн 2025 онд л гэхэд улсынхаа зэвсэгт хүчний чиглэлд 60 гаруй тэрбум долларыг зарцуулсан байгаа нь Япон зөвхөн өөрсдийгөө хамгаалах бус довтолгоонд бэлдэж байна гэдгийг илэрхийлж байгаа. Гэхдээ нарийн хараад үзвэл энэ бүхэн маш том давуу талыг хэн өрсөж олж авах вэ? Гэдэг дээр тогтож байгаа.
Энэ бүхэн Сэнкакү-н арлуудтай холбоотой асуудлуудаас эхлэн анх дэвэрч эхэлсэн гэж хэлж болно. Эдгээр арлууд нь Тайваны ойролцоо оршдог бөгөөд ерөнхийдөө Японы мэдэлд гэж тодотгогддог хэдий ч эдгээр арлуудтай холбоотой хилийн маргаанууд дэлхийн 2-р дайнаас хойш тасралтгүй гарсаар ирсэн байна.
2012 онд Сэнкакү арлуудын ойр хавиар Хятадын зэвсэгт хүчин маш ихээр эргэлдэж шууд дарамтыг үзүүлж байсан гэж хэлж болно.
Үүнээс гадна хойд зүгт мөн ОХУ-н мэдэлд оршдог(дэлхийн 2-р дайнаас хойш) арлуудад ч Японы зүгээс заавал анхаарал тавихгүй бол болохгүй. Ер нь дэлхийн 2-р дайнд ялагдсанаас хойш АНУ-тай хийсэн ямар ч цэрэг армитай холбоотой зүйл байх ёсгүй гэсэн гэрээнээс болж дэлхийд эдийн засаг болон, цэргийн хүчээрээ томоохон байр суурийг эзэлдэг хөршүүд нь Японы стратегийн түншлэлийг үгүй хийхэд хүргэж, ялангуяа Хойд Солонгос бүр Японыг шууд цөмийн бөмбөгийн бай гэж зарласан нь, за тэгээд Зүүн Өмнөд Азийн түншлэлүүд нь болох Тайван, Энэтхэг, Филлипин, Австрали гээд бүрдүүлсэн экосистем нь тасарч Хятадын үзүүлэх саад тотгор ихсэж байгаа гээд цэрэг армидаа санаа зовохгүй байхаас аргагүй нөхцөл байдалд хүргэсэн.
Ерөнхийдөө Японы зүгээс хэрвээ Хятад Тайванд асуудал үүсгэвэл Японы цэргийн хүч хамгаалалтад үргэлж бэлэн гэдгийг зарлаж 2 улсын байдал нилээн хурцадмал байдалд хүрсэн.
Хятадаас бол бүр ард иргэддээ Япон руу явахгүй байхыг ч сануулж байна.
Гэхдээ.. Япон хэдий цэрэг армиа хөгжүүлэх 5 жилийн төлөвлөгөө гарган маш эрчтэйгээр өөрсдийн батлан хамгаалах салбарыг хөгжүүлж байгаа ч ёстой л залуусын хэлдгээр still lame ass sh*t шүү дээ Хятадын армийн хүчийн хажууд. Харин ийм түрэмгий байгаа шалтгаан нь ард нь АНУ байгаа учраас гэж зарим хүмүүс үзэж байгаа. Түүхээ харж үзвэл Дэлхийн 2-р дайны үеэр Япон өөрсдөө АНУ-тай асуудал үүсгэж хариуд нь 2 бөмбөгдүүлж, араас нь 7 жил гаруй нутагт нь АНУ цэргүүд байж цаашдын засаг төрийн бүтцийг нь ингэ тэг гэж шаардлага тавьсан байдаг. Гэхдээ 1950 оны дайны үеэр АНУ Японд бага багаар цэргийн хүч буюу өөрсдийгөө хамгаалах хүчинтэй байх эрх мэдлийг өгч мөн тэднээс дэмжлэг авсан нь хоёр улсын одоогийн цэргийн хамтралын үр дүн болтлоо сайн харилцаа тогтсон байна.
Одоо бол АНУ-с пуужин их хэмжээгээр худалдаж авах, цэргийн стратегийн түншлэл авдаг болж тэр ч болоогүй, хамтран шинэ зэвсэг хөгжүүлэх үйл ажиллагааг ч өрнүүлж байгаа.
Товчхондоо хоёр улсын нөхцөл байдал Японы бодлогын хүрээнд таарамжгүй болж улмаар тухайн улсуудын хооронд явдаг тээвэр ч гэсэн цаашдаа яаж ч магадгүй нөхцөл байдалд хүрчихсэн байгаа юм.
China & USA(not VS)
Саяхан Өмнөд Солонгост 2 улсын удирдагч нар уулзаж харилцан тал талдаа буулт хийж байсан шүү дээ. Тэгвэл яг өчигдөр буюу 11 сарын 24-нд 2 улсын удирдагч нар хоорондоо утсаар ярьж Украйн/ОХУ-н дайн, эм, газар тариалан зэрэг олон сэдвүүд дээр нааштай тохиролцоонд хүрсэн бөгөөд “бидний 2 улсын харилцаа маш сайн байгаа” гэж Доналд Трамп өөрийн Truth social хуудсаараа дамжуулан мэдэгдсэн байна. Тэр ч бүү хэл ирэх 4 сард Ши Жиньпин Доналд Трампыг өөрийн улсад айлчлахыг урьсан бөгөөд мөн дараа нь өөрөө ч АНУ-д айлчлах тохиролцоонд хүрсэн байна.
Чойжоо сайд маань хэдэн лам нараа АНУ-руу явуулах ёстой юм биш үү?
One henry Hudson тээврийн хөлөг онгоц дээр маш том гал гарч АНУ-н Лос Анжлесын боомтод томоохон асуудал үүссэн явдал 11 сарын 22-нд гарлаа. Тийм ээ нөгөө л нэг Long beach Port. Энэ жилдээ Long beach Port дээр гарсан осол, аваарууд тасрахгүй үргэлжилж АНУ-н далайн тээврийн салбарт олон гарз хохирол учирч байна. Манай эрчим хүчний сайд шиг лам залж ном уншуулмаар болчихсон юм уу даа.....
Тухайн хөлөг онгоц 8,212 TEU чингэлэг ачаатай байсан бөгөөд галын ослын шалтгаан нь цахилгааны доголдол үүсч улмаар маш хурдацтай тархалт үүссэн гэж одоогоор дүгнэж байгаа юм.
Хөлөг дээрх 23 ажилчдыг бүгдийг нь эсэн мэнд аварсан бөгөөд нийт 200 гаруй ажилчид гал унтраах үйл ажиллагаанд газраас болон далайгаас оролцож, галын ослоос болж боомтын үйл ажиллагааг зогсооход хүрсэн бөгөөд хамгийн гол нь тухайн хөлөг онгоц аюултай ачаатай явсан нь санаа зовох асуудал болж байгаа юм. Зөвхөн гал унтраах үйл ажиллагаанаас гадна орчны хорт байдлыг хэмжих hazmat баг ч давхар ажиллаж агаарт тархсан хорын хэмжээг тогтоон ажилласан юм байна.
Та юу гэж бодож байна?
Геополитикийн асуудлууд улам л хурцадсаар хоёр хөрш маань хоёул тал тал тийшээгээ асуудалтай болчихсон нь бидний ачааг боох зэрэг асуудал үүсгэвэл яах вэ?
Байдал хурцадвал бид ямар байр суурийг сахиж, тээврээ яаж асуудалгүй хийх вэ?
Мэргэжилтний зөвлөгөө
Японы зүгээс ингэж аашилж байгаа нь мэдээж ард нь АНУ байгаагаас гадна цаашлаад Хятадын бодлогод өртөх боломжтой учраас юм.
Харин манай тээвэр зуучид үүсэх боломжтой хамгийн эхний асуудал мэдээж Хятадаар дамждаг Японы импорт, экспорт юм.
Хэрвээ хоёр улсын нөхцөл байдал цаашид хурцадвал бусад агаарын замыг ашиглах зэрэг арга хэмжээг авч болох хэдий ч түүнээс ч дор нөхцөл байдал үүсэх магадлал мэдээж 0-с их байгаа.
Олон улсын нөхцөл байдлыг сайтар ажиглаж хэзээ ямар арга хэмжээ авахаа хурдацтай, оновчтой шийдэх нь бидний зүгээс авч болох арга хэмжээ юм.
