Цаагуур чинь юу болоод байна?

Монголын тээвэрлэлтийн update

Монголын тээвэр зуучлагчдын нэгдсэн холбооноос 11 сарын 12-нд гаргасан мэдээгээр Тяньжин боомтоом Эрээн/ЗҮ чиглэлд нийт 14 галт тэрэг гарсан бөгөөд Монгол руу явахаар хүлээгдэж буй 800TEU буюу 400 орчим чингэлэг байна гэв.

Мөн Улаанбаатар хотын гаалийн 6 хяналтын талбайд нийт 736 чингэлэг байгаагаас ачаатай 511, хоосон 225 чингэлэг байгааг мэдэгдэв.

Комиссын бараа тренд болов.

Олон улсын худалдаа, тээвэрт тулгамдаж буй асуудлуудын нэг болох тариф ялангуяа АНУ-н тариф зарим шинэ бизнес салбаруудыг өргөжүүлж байна. Манайхны хэлж заншсанаар “комиссын бараа” буюу second hand market-уудын эргэлтийн түвшин илүү өндөр болсон нь хэрэглэгдсэн бараа бүтээгдэхүүнд оногдох тариф илүү бага, шинэ бараанд оногдох тариф үнэтэй байгаад оршиж байгаа гэж дүгнэв. Зөвхөн тариф гэх мэт зүйлсээс гадна мэдээж энэ бол байгаль дээрх хог хаягдлыг эрс бууруулах боломжтой учир худалдан авагч болон худалдагч аль аль талууд, бас болоогүй эх дэлхий маань ч хожиж байна гэсэн үг юм.

Европын тээвэрлэлтэд жолооч нар дутагдаж эхлэв.

Европын тээвэр зуучууд, бусад тээвэрлэлт хийдэг байгууллагад нэгэн нийтлэг үзэгдэл болж буй нь жолоочийн дутагдал үүссэн явдал юм. Ажиллах хүчний энэ дутагдал нь эцсийн хэрэглэгчид мэдэгдэхүйц нөлөөтэй болсон нь талууд сандрах шалтгаан болов. Эд бараа нь бэлэн байгаад байдаг, түүнийг зөөж тээвэрлэх хүн хүч үгүй бол ямар ч утгагүй зүйл билээ. Зөвхөн supply chain-тэй уялдаж ажилладаг тээвэрлэгчдээс 2024 онд л гэхэд 426,000 жолоочийн ажлын байр эзэнгүй үлдсэн бөгөөд 2028 он гэхэд энэ тоо дахин нэг нугарах боломжтой хэмээн таамагласан байна. Үүнийг өөрчлөхийн тулд мэдээж цалин, ажил горилогчид тавьж буй нас, хүйс, визны асуудал зэрэг шаардлагуудыг өөрчлөх шаардлагатай гэж үзэж байна. Эс бөгөөс энэ нь зөвхөн Европ дотроо биш цаашлаад манай улсын тээвэртэй ч холбоотой асуудал болох бүрэн боломжтой байгаа юм.

АНУ-н Port of Long beach-д тээвэрлэлт болон тарифтай холбоотой асуудлууд үүсэв.

Энэ жил АНУ-н Port of long beach өмнө жилээс, бүр цар тахлын үеэс ч илүү ачаалалтай байгааг дурьдав. Оны эхээр болон дунд үеэр Доналд Трампын тарифтай холбоотой мэдэгдлүүдийн үед нилээн өссөн байна. Энэ жилийг ч мөн адил их дүнтэйгээр хаах төлөвтэй хэмээн таамаглаж байгаа ч ирэх онд энэ үзүүлэлт буурах төлөвтэй байгааг анхааруулж байна. Мэдээж тарифын нэмэгдэлтэй холбоотой. Зарим тээврүүд цаашид хийгдэхгүй байх магадлал өндөр байгаа бөгөөд эхнээсээ бизнесүүд өөрсдийн үндсэн загвараа өөрчлөөд бусад боломжуудыг эрэлхийлээд эхэлчихсэн шүү дээ.

Ерөнхийдөө тээвэр хийлгэж байгаа үйлчлүүлэгч зөвхөн тээвэрлэлтийн хугацаа болон зардал гэлтгүй давхар тарифын тухай санаа зовж түүнтэй холбоотой тооцоолол давхар хийх шаардлагатай болж байгаа нь олон улсын худалдааны салбарт сөргөөр нөлөөлж эрэлт, нийлүүлэлтийн ялгаатай зөрүү үүсгэх эрсдэлтэй байгааг дахин дахин анхааруулсаар байна.

Та юу гэж бодож байна?

Олон улсын худалдааны тарифын бодлого манай улсад нөлөөгөө үзүүлж байгааг бид бүгд мэдэж байгаа. Тэгвэл бизнесүүд хэрхэн үүнтэй дасан зохицох вэ? Танай байгууллага ямар арга хэмжээ авч байгаа вэ?

Мэргэжилтний зөвлөгөө

Тээврийн зардал болон цаг хугацаа угийн бага багаар өөрчлөгдөж байгаа. Бизнес бүр өөрсдийн салбарын онцлогтоо тохируулж тэмцэхээс илүү дасан зохицох хэрэгтэй. Жишээ нь гэвэл second hand market-н эргэлт өсөж байгаа нь хэрэглэгчийн шаардлага ямар нэгэн байдлаар биелсэн байдал нь юм. Түүнийг бүрдүүлэгч салбарынхан хожсон гэсэн үг. Тэгэхээр алсдаа гэлтгүй одооноос аль болох дотооддоо үйлдвэрлэл эрхэлж, хэрэглэгчид ч гэсэн дотоодын бүтээгдэхүүнийг түлхүү сонгон хэрэглэх нь цаашдын хөгжилд нэн тустай юм. Хэрвээ Өмнөд Солонгосын жишээг санаж байвал ард түмэн нь үндэсний үйлдвэрлэгчиддээ ямар хайртай нь одоогийн хөгжлийн түлхүүр нь болсон гэж ойлгож болно.